Таңдалған автокөлік иелері жыл ішінде 40 мың км-ден астам жол жүріп, ешқандай ереже бұзбаған. Жеңімпаздардың қатарында такси жүргізушілері Мұса Ибрагимов (Kia Ceed) пен Артем Пашовкин (Chevrolet Cobalt) бар. Екеуі де көлік 18 жасынан бастап жүргізіп, жол қозғалысы ережелерін сақтауға саналы түрде мән береді.
Freedom Insurance компаниясының сату басқармасының директоры Айгүл Мұқушеваның айтуынша, бұл акция жүргізушілерді қауіпсіз жүруге ынталандырады. Ал компания төрағасы Азамат Керімбаев мұндай бастамаларды кеңейту қажет екенін атап өтті.
Sergek Group бас директоры Евгений Ким жауапты жүргізушілерді марапаттау жүйесі басқа елдерде сәтті жұмыс істеп жатқанын және Қазақстанға осы тәжірибені енгізу керектігін айтты.
